„Шпиончињата“ не знаат руски

Двете деца на руските шпиони Артем и Ана Дајцеви, инаку брачна двојка, кои беа разменети со нивните родители , во  размената на шпиони меѓу Русија и Западот, не знаат ниту еден  руски збор.

Ќерката Софија (11) и синот Габриел (8) се родени во Аргентина, додека во оваа јужноамериканска земја требало да се изгради лажната слика дека станува збор за „мирно и обично семејство“.

За своето вистинско потекло и за потеклото на своите родители , дека не се Аргентинци, туку Руси, разбрале дури по пристигнувањето во Москва и средбата со Владимир Путин (на аеродром) , кога тој ги поздравил – на шпански- со едно „буенос ночес“.

Веста ја потврди и портпаролот на Крамљ кој признал дека децата не знаеле каде се наоѓаат и кој е човекот што ги поздравува.

„Тие не знаеја за Путин, ниту дека тој е претседател на Русија“- рекол Дмитри Песков.

Во Словенија, каде родителите Дајцеви беа уапсени за шпионажа, тие допатувале ( со децата) како аргентинско семејство. Со нив дома зборувале само на  шпански, сокривајќи го од нив својот руски идентитет.

Морале да ги лажат сопствените деца за да не бидат откриени и за да не се провали нивната шпионска работа.

Децата (велат) и биле создадени за потребите на руската тајна служба ФСБ (екс КГБ) и нивната мисија. Се смета дека се создадени на барање на Москва, за да целосно се прикрие нивниот вистински, шпионски  идентитет.

Во Аргентина биле познати како имигрантско семејство- Марија Мајер и нејзиниот сопруг Лудвиг Гиш. Во Словенја се населиле во 2022 година, а аргентинско државјанство примиле во 2017 година.