Мајка со тужба ги исели синовите од својата куќа
Една 75 годишна Италијанка ги тужела своите двајца, возрасни и материјално ситуирани, синови затоа што не сакале да се иселат од нејзината куќа.
Тужбата уследила откако мајката со години на ред ги убедувала синовите- едниот на 42, а другиот на 40 годишна возраст- да си најдат и да си создадат свој дом. Уште повеќе што и обајцата ги обвинувала дека не сакале да и помагаат- материјално на мајката.
„Мојата куќа не ви е хотел“- знаела жената да им приговори на синовите. Кога видела дека ништо не помага, гневната и разочарана мајка ги тужела на суд и обајцата, барајќи судот со пресуда- насила да ги исели.
„Големите бебиња“
Италијанската и европската јавност која се занимава со овој случај, секоја коментирајќи го на свој начин, е изненадена што судот се нашол повикан да разрешува една ваква семејна ситуација. Но судот не се занимавал со реакциите на јавноста и брзо донел пресуда. Оценил дека мајката е во право, па двјцата синови ќе мора да ја напуштат куќата на ниввата мајка – до 18 декември.
Случајот кој потекнува од италијанскиот град Павија, на северот од земјата, според тамошните медиуми има предизвикано големо внимание , бидејќи проблемот на оваа мајка е проблем кој е мошне раширен низ целата земја. Затоа што многу млади луѓе и по наполнетите 18 години , продолжуваат да живеат со своите родители.
Поголемиот број од вајвите млади се машките деца во семејствата- синовите, кои не сакаат да почнат да живеат сами. Медиумите во Италија, затоа, потсмешливо ги нарекуваат – „мамини дечиња“ или „големите бебиња“.
Италија прва во ЕУ
Некои социолози, како и оние кои подржуваат живеачка на младите под “родителската капа“ , ситуацијата настојуваат да ја објаснат со несигурното вработување на многу млади луѓе. Според нив. животот кај родителите, или жвеачка во заедница со таткото и мајката , е поевтин за нив и изгледа посигурен.
Други не го одобруваат ова објаснување затоа што Италија е третата по економска моќ сила во ЕУ, инсистирајќи дека станува збор за традиција, одомаќена навика, или едноставно за комодитет. Тоа ја прави оваа земја да биде прва во Унијата , според староста и возраста кога децата-конечно- си заминуваат од родителскиот дом.
Според Евростат, просечната старост на Италијанците кога се разделуваат од родителите изнесува 30 години.
Дури 66 отсто од Италијанците на возраст меѓу 18 и 35 години години, живеат со своите ридители. Процентот во ЕУ е помал од 40 отсто, додека во САД изнесува едвај 20 отсто.
