Топлотен удар во Шпанија
Неколку денови по ред, Шпанија е погодена од првите поголеми летни горештини и од силен топлотен бран, со екстремно високи температури што се искачуваат и до преку 40 степени Целзиусови.
Во главниот град Мадрид, на пример, во некои негови делови и околината , во понеделникот, биле регистрирани и 45 степени, а локалните медиуми јавуваат дека вака високи температури , невообичаени и за оваа земја, се забележени и во Севилја , како и во Кордоба, на југот од Шпанија.
Вонредна состојба во делови од земјата
Во вакви услови лугето и бројните туристи кои се наоѓаат на посета, или се на одмор, се снаоѓаат како знаат и умеат- најчесто разладувајќи се во фонтаните по градовите, користејќи ја притоа и водата со која се одржуваат тревниците по парковите и трошејќи огромни количини вода за пиење.
Прогласена е вонредна состојба во неколку делови од земјата, а шпанскиот институт за метеорологија има издадено предупредување во осум од 17 автономни управи.
Во реонот на Андалузија, на југот од земјата , специјални екипи на цивилната заштита се мобилизирани за помагање на населението и се ставени во приправна состојба , откако температурите неколку денови се движеа меѓу 42 и 44 степени Целзиусови.
Шпанија, а посебно нејзините јужни делови, со високи, летни температури се соочуваа и во текот на изминатата пролет , кога најголемиот дел од Европа беше се уште во зимски услови, со снег и со обилни врнежи од дожд.
Најтопла година во историјата
Во Малага пролета беше искучително топла, а топлото време и температурите кои се движеа околу 30 степени, му дадоа посебен печат на времето во градот и неговата околина.
Во 2022 година, Шпанија има регистрирано најтопла година во својата историја, што експертите сметаат дека е последица на климатските промени на планетата. Тоа може да предивика земјата да биде една од државите во ЕУ и во Европа кои се најмногу погодени од климатските промени.
Шпански експерти истакнуваат дека во изминатите десет години, зачестеноста од ваквите топлотни удари , како овој сега, е три пати поголемо од ситуациите со многу високи температури во минатата и во претходните децении.
