„Помогнете да не убивам“

Италијански негувател кој им помагал на стари, немоќни  и заболени лица признал дека има убиено најмалку четворица за кои, инаку,  секојдневно водел грижа.

Веста за ваквото признание на 48 годишниот убиец ја шокира италијанската јавност, а посебно тоа што никој досега нема откриено ништо сомнително во неговата „хумана“ работа. Особено во  умирањето на старите лица- прифаќајќи ја нивната смрт како нешто што не изненадува.

Според весникот „Кориере дела Сера“ негователот-убиец самиот се пријавил во полицијата и во придружба на адвокат дал изјава во која признава дека  не знае точно- колкумина од  старите луѓе кои ги негувал- умреле како последица на неговите „методи на негување“.

Знае само дека неговата најстара жртва имала 96 години.

Изјавил дека луѓето ги убивал од „милосрдие“- за да повеќе не страдаат и за да не се измачуваат-живеејќи како што живееле. За тоа користел лекови, најчесто тие кои жртвите редовно ги користеле, давајќи им прекумерно висока доза.

Полицијата го упасила и сега истражува за да утврди во  колку случаи-  смрта на заболени, стари лица би можеле да се третира како сомнителна.

Особено што негувателот -убиец се грижел и негувал 30 лица. Ги посетувал во нивните станови и куќи, каде нивните блиски, или соседите ги наоѓале починати.

Со негувањето се занинавал  повеќе од десет години и за него се знае дека немал никакво медицинско образование, ниту пак кога почнувал, имал искуство со негување луѓе.

На полицијата им се обратил со молба која звучи крајно морбидно- „Помагнете ми да престанам да убивам“!